Kieldâvaljâohjelm 2021

RKP Kieldâvaljâohjelm 2021, uánihis versio

Kieldâvaaljâid uárnejuvvoo 13. kesimáánu 2021. RKP iävtukkâsah kieldâvaaljâin já ubâ kieldâvaljâohjelm ruotâkielâst, suomâkielâst já eŋgâlâskielâst kávnojeh čujottâsâst: kommunalval.sfp.fi

Tuu alda

Suoma ruotáláš aalmugpiäládah(RKP) parga rijjâvuođâ, vuoigâlâšvuođâ, täsiáárvu já soválâšvuođâ peeleest. Halijdep uáiniđ tuáimee kyevtkielâlâšvuođâ já halijdep porgâđ politiik, kost olmooš lii kuávdáást. Suoma ruotáláš aalmugpiäládah haalijd, ete puoh ulmuin kieldâst lii máhđulâšvuotâ eelliđ pyeri eellim, ovdániđ, šoddâđ já leđe luholâš. Halijdep, ete ovdâjuurdâ ruotâkielâ já eres kielâid kuáttá lii pyeri ubâ staatâst. Puoh kalgeh tuostâđ sárnuđ jiejâs kielâid.
Taah vaaljah láá tehâlâš, ton diet ko miärádâsah kote láá ráhtum kieldâin, vaigutteh tuu já tuu aargâ.

Pyeremus škovlâ

Suomâ miänástus šadda šiev já täsiárvusâš škovlim viäštun. Puoh párnái lii vuoigâdvuotâ šievšlaajâg arâšoddâdmân. Maaŋgâpiälálâš kielâmáttááttâs ferttee älgiđ jo ovdâškoovlâst. Halijdep, ete ain maaŋgâin lii máhđulâšvuotâ kielâlávgumškovliimân já kielâriišon. Halijdep, ete párnááh mákkojeh peivikiäjuin já škoovlâin. Párnáin kolgâččij leđe máhđulâšvuotâ puđâldâstooimân škovlâpeeivi ohtâvuođâst. Juátkip investeeriimijd šievšlaajâg luvâttuh-máttááttâsân. Áámmátlâš škovlim já pargoeellim koskâsâš ovtâspargo lii tehálâš, mutâ tom ferttee šoddâđ nuuvt, ete pargoost oppâm já teoriamáttááttâš láá täsitiädust.

Pyereest vaijee ässeeh

RKP oovded ohtsâškode, kost puoh tobdeh lemin torvoost já vajeh pyereest. Halijdep ete kieldâ asseeh uážžuh aldaašpalvâlusâid meiddei puátteevuođâst. Juáhhhást kalga leđe vuoigâdvuotâ sehe tuáimee tiervâšvuođâ- já pyecceetiipšon ete avalâš tipšo palvâlussáid ko toh puátáh äigikyevdilân. Oskop, ete tiädutteh liihâdmân, valastâlmân já kulttuurân pargeh mii kieldâin eellimvuáimáliih já makkuuh. Halijdep, ete kieldah pargeh nuuvt ete uážžuh uđđâsyemmilijd uásálistiđ. Puoh kieldâi kalga leđe rijjâ rasismist.

Pyereest huolâttâm ekonomia já iälattâseellim pyeremusah iävtuh

Maaŋgâ kieldâ ekonomia lii naggâsist. Pyereest huolâttâm kieldâekonomia ráhtá pye’remusah iävtuid kieldâ tuáimee aargâ. Kieldâi já iälattâseellim koskâsâš ovtâspargo lii tehálâš. Halijdep, ete kieldah rähtih iävtuid irâttâsâid, tot lii pyeri kieldân já ubâ staatân. Halijdep kieldâid porgâđ aktiivlávt paargon vuáđuduvvee enâmânvarrim oovdedmân.

Oovdâstjottee šoŋŋâdâh- já piirâsaašijn

Kieldah kalgeh leđe mieldi šoŋŋâdahfiätulij čuávdusij kavnumist. RKP parga ton peeleest, ete Suomâ kieldah láá šoŋŋâdâhneutraal ive 2030. Uđâsmuvvee energia anon sirdâšumist kalga ovdediđ. Halijdep ain maaŋgâi kevttiđ kilelis fiävruid. Kaavpugijn kalga leđe tuáimee juávkkujotolâh. Halijdep, ete kieldah tiädutteh meiddei sii tooimâst šaddee tušes pasâttâsâi kepidemist.Taat váátá tuárvi maaŋgâ nuurrâmsaajeest šaddee uđđâsistano, uđđâsistkiävtu já pasâttâskieđâvuššâm. Halijdep kieldâi meiddei estâdiđ luándu maaŋgâhámásâšvuođâ kiävhum.