Gielddaválgaprográmma 2021

RÁB (RKP) gielddaválgaprográmma 2021, oanehis veršuvdna

Gielddaválggat lágiduvvojit geassemánu 13. beaivve 2021. RÁB evttohasat gielddaválggain ja oba gielddaválgaprográmmamet ruoŧa-, suoma- ja eŋgelasgillii čávnnat čujuhusas: kommunalval.sfp.fi

Lahka du

Suoma ruoŧŧelaš álbmotbellodat (RÁB) bargá friddjavuođa, vuoiggalašvuođa, dásseárvvu ja utnolašvuođa beales. Háliidit oaidnit buresdoaibmi guovttegielalašvuođa ja háliidit bargat politihka, mas olmmoš lea guovddážis. Suoma ruoŧŧelaš álbmotbellodat háliida, ahte buohkain gieldda olbmuin lea vejolašvuohta eallit buori eallima, ovdánit, šaddat ja leahkit lihkolaš. Háliidit, ahte jurddašanvuohki ruoŧagiela ja eará gielaid ektui lea buorre oba riikkas. Buohkat galget duostat hupmat iežaset giela.
Dát válggat lea dehálaččat, daningo mearrádusat, mat dahkkojuvvojit gielddain, váikkuhit dutnje ja du árgii.

Buoremus skuvla

Suoma menestupmi huksejuvvo buori ja dásseárvosaš skuvlema nala. Buot mánáin lea vuoigatvuohta alladásat árrabajásgeassimii. Máŋggabeallásaš gielaid oahpahus galgá álggahuvvot juo ovdaskuvllas. Mii háliidit, ahte ain eanebuin lea vejolašvuohta giellalávgunoahpahussii ja giellariššui. Háliidit, ahte mánát ádjánit beaiveruovttuin ja skuvllain. Mánáin galggalii leat vejolašvuohta áiggeádjedoibmii skuvlabeaivvi olis. Mii joatkit investeremiid alladásat logahatoahpahussii. Ámmátlaš skuvlema ja bargoeallima gaskavuođa ovttasbargu lea dehálaš, muhto dat galgá dáhpáhuvvat dađi lági mielde, ahte barggus oahppan ja teoriijaoahpahus leat dássedeattus gaskaneaset.

Buresbirgejeaddji orrut

RÁB ovddida servodaga, mas buohkat dovdet iežaset oadjebassan ja vedjet bures. Mii háliidit gieldda olbmuid oažžut maid dás maŋás lagasbálvalusaid. Buohkain galgá leat vuoigatvuohta sihke buresdoaibmi dearvvašvuođa ja buohccedikšumii ja vuoras olbmuid dikšunbálvalusaide go dat šaddet áigeguovdilin. Mii jáhkkit, ahte bidjosat lihkadeapmái, valáštallamii ja kultuvrii dahket gielddaineamet ealasin ja guoibmán. Háliidit, ahte gielddat barget ođđasuopmelaččaid oassálastit oažžuma várás. Buot gielddat galget leat lupmosat rasismmas.

Bures dikšojuvvon ekonomiija ja ealáhuseallima buoremus eavttut

Máŋgga gieldda ekonomiija lea háhttásis. Bures dikšojuvvon gieldaekonomiija duddjo buoremus eavttuid gieldda buresdoaibmi árgii. Gielddaid ja ealáhuseallima gaskavuođa ovttasbargu lea dehálaš. Háliidit, ahte gielddat duddjojit eavttuid fitnodagaide, dat lea buorrin gildii ja oba riikii. Háliidit gielddaid bargat aktiivvalaččat bargovuđđosaš riikii fárrema ovddideami várás.

Ovddasmanni dálkkádat- ja birasáššiin

Gielddat fertejit leat mielde dálkkádatfihtolaš čovdosiid gávdnamis. RÁB bargá dan ovdii, ahte Suoma gielddat leat dálkkádatneutrálat jagi 2030. Ođasnuvvi energiija geavahussii sirdáseapmi ferte ovddiduvvot. Háliidit ain eambbogiid atnit gierdavaš fievrruid. Gávpogiin ferte leat buresdoaibmi joavkojohtolat. Háliidit, ahte gielddat bidjet deattu maid bázáhusaid unnideapmái, mat šaddet daid doaimmas. Dát gáibida buresdoaibmi garvviheami, ođđasitgeavahusa ja bázáhusgieđahallama, mii čoahkkana doarvái máŋgga čoagginčuoggás. Háliidit gielddaid maid eastadit luonddu máŋggahápmásašvuođa geafuma.